Eng vill praktizéiert Sportart vun de Sportsdeddessen ass Fussball.
Zweemol am Mount gëtt Mëttwochs an der Hal vum Sporthotel Leweck Fussball gespillt. Demno wéivill Memberen do sinn, maache mir zweschen 2-4 Equippen. Lass geet ët um 19h30 a mir kënnen d'Hal da bis zu zwou Stonne benotzen.
Traditionnel organiséiere mir och all Joer zwee Fussballstournoien: Am Dezember eise Wintercup mat 10 Equipen an der Hal an am Juni/Juli eise Summercup mat 16 Equipen um syntheteschen Terrain zu Lëppschent.
Niewent deenen 2 Tournoien, déi mir als Veräin selwer organiséieren, huele mir och u verschiddenen Fussballstournoien vun aanere Veräiner deel.